سعودی عرب (مانیٹرنگ ڈیسک) سعودی عرب میں اعضاء عطیہ کرنے والے 200 افراد کے لیے شاہی اعزازات کا اعلان کیا گیا ہے، یہ اعلان خادم الحرمین الشریفین شاہ سلمان بن عبد العزیز نے کیا۔
انٹرنیشنل میڈیا کے مطابق خادم الحرمین الشریفین شاہ سلمان بن عبد العزیز نے اعضاء عطیہ کرنے والے 200 شہریوں کو کنگ عبدالعزیز میڈل (تھرڈ کلاس) دینے کی منظوری دی ہے۔ میڈیا کے مطابق اعضاء عطیہ کرنے والوں کے لیے اعزازات کا اعلان انسانی ہمدردی کے جذبے کو سراہنے اور دیگر شہریوں کو بھی اعضا کے عطیات دینے کی ترغیب دینے کے لیے کیا جاتا ہے۔
