پاکستان کے پانی پر ہاتھ ڈالنے والے کو عبرت کا نشان بنائیں گے: مصدق ملک کی دھمکی

اسلام آباد(کھوج نیوز) وفاقی وزیر برائے ماحولیاتی تبدیلی مصدق ملک نے بھارت کو دو ٹوک دھمکی لگاتے ہوئے کہا کہ پاکستان کے پانی پر ہاتھ ڈالنے والے کو عبرت کا نشان بنا دیں گے۔

تفصیلات کے مطابق مصدق ملک کا کہنا تھا کہ پاکستان واضح کرچکا ہے کہ وہ اپنے حصے کے پانی پر کوئی سمجھوتا نہیں کرے گا، جو پاکستان کے پانی پر ہاتھ ڈالے گا اس کا ہاتھ کاٹ دیں گے۔ وزیر ماحولیاتی تبدیلی نے کہا کہ کیا یہ حق سب کو مل گیا ہے کہ اوپر رہنے والے لوگ نیچے والوں کا پانی روک لیں گے؟ حق کے لیے کھڑا ہونا ہماری روایت ہے۔ مصدق ملک نے کہا کہ ہمارا ہمسایہ ملک انڈس ٹریٹی سے مکر رہا ہے، مودی پاکستان میں آبی دہشت گردی کرنا چاہتا ہے۔