این سی سی آئی اے کی کارروائی، کال سینٹر پر چھاپہ، ڈیجیٹل ڈیوائسز قبضے میں لے لی

اسلام آباد (کھوج نیوز) نیشنل سائبر کرائم انویسٹی گیشن ایجنسی (این سی سی آئی اے) نے سیکٹر جی ایٹ میں کارروائی کرتے ہوئے کال سینٹرپر چھاپہ مار کر ڈیجیٹل ڈیوائسز قبضے میں لے لیں۔

تفصیلات کے مطابق این سی سی آئی اے نے اسلام آباد کے سیکٹر جی ایٹ میں کال سینٹرپر چھاپہ مارا جس دوران مبینہ سائبرکرائم میں ملوث غیرملکی اورپاکستانی موقع سے فرار ہوگئے۔ این سی سی آئی اے کا کہنا ہے کہ چھاپے کے دوران ڈیجیٹل ڈیوائسز اور دیگرسامان قبضے میں لے کر فارنزک معائنے کیلئے بھجوادیا گیا ہے۔ این سی سی آئی اے کے مطابق کال سینٹر کے ذریعے منظم سائبرکرائم اور ڈیجیٹل فراڈ کا مبینہ نیٹ ورک چلایا جارہا تھا۔