اسلام آباد(سپورٹس ڈیسک) پاکستان فٹبال عبداللہ اقبال نے یوئیفا چیمپئنز لیگ کوالیفائنگ رائونڈ میں ڈیبیو کر کے ناصرف ملک کا نام روشن کر دیا ہے بلکہ پہلے فعال کھلاڑی بن گئے ہیں۔
تفصیلات کے مطابق پاکستانی فٹبالر عبداللہ اقبال نے یوئیفا چیمپئنز لیگ کوالیفائنگ راؤنڈ میں ڈیبیو کر لیا۔ عبداللہ اقبال 62ویں منٹ میں سویڈش کلب میالبی کی جانب سے لنکن ریڈ امپس کے خلاف میدان میں آئے۔ اس کے ساتھ ہی عبداللہ اقبال نے یوئیفا چیمپئنز لیگ میں کھیلنے والے پاکستان قومی ٹیم کے پہلے فعال کھلاڑی کا اعزاز حاصل کرلیا۔ پاکستانی نژاد اتزاز حسین پاکستان کی نمائندگی سے قبل یوئیفا چیمپئنز لیگ کوالیفائرز کھیلے تھے۔اس کے علاوہ پاکستانی نژاد غیاث زاہد نے یوئیفا چیمپئنز لیگ میں اے پی او ای ایل کی نمائندگی کی تھی تاہم وہ پاکستان کی جانب سے نہیں کھیلے۔
