واٹس ایپ نے نیا فیچر متعارف کروا صارفین کو حیران کر دیا
الٹرنیٹ پروفائل نامی یہ فیچر اینڈرائیڈ ڈیوائسز کے لیے واٹس ایپ کے بیٹا (beta) ورژن میں متعارف کرایا گیا ہے
برطانیہ(مانیٹرنگ ڈیسک) واٹس ایپ نے نیا فیچر متعارف کروا صارفین کو حیران کر دیا ‘میٹا کی زیر ملکیت انسٹنٹ میسیجنگ ایپلی کیشن واٹس ایپ میں ایک نئے فیچر کا اضافہ کیا گیا ہے جو صارفین کی پرائیویسی کو زیادہ تحفظ فراہم کرے گا۔
انٹرنیشنل میڈیا کے مطابق الٹرنیٹ پروفائل نامی یہ فیچر اینڈرائیڈ ڈیوائسز کے لیے واٹس ایپ کے بیٹا (beta) ورژن میں متعارف کرایا گیا ہے۔ WABetaInfoکی رپورٹ کے مطابق میٹا کی زیر ملکیت میسجنگ سروس میں نئے پرائیویسی فیچر کا اضافہ کیا گیا ہے۔ خیال رہے کہ گزشتہ دنوں واٹس ایپ میں کالز کے آئی پی ایڈریس کو چھپانے کا فیچر متعارف کرایا تھا۔ رپورٹ میں ایک سکرین شاٹ بھی شیئر کیا گیا جس سے عندیہ ملتا ہے کہ یہ فیچر پرائیویسی سیکشن کے اندر پروفائل فوٹو کی سیٹنگز میں موجود ہوگا۔
رپورٹ میں بتایا گیا کہ الٹرنیٹ پروفائل کے ذریعے صارفین کو اپنی پروفائل فوٹو کی پرائیویسی کے حوالے سے زیادہ کنٹرول مل جائے گا۔ مثال کے طور پر اگر آپ نے پروفائل فوٹو کو محض اپنے کانٹیکٹس تک محدود کیا ہوا ہے. تو کانٹیکٹ لسٹ سے باہر موجود افراد پروفائل فوٹو نہیں دیکھ سکتے مگر اس نئے فیچر سے ایسے افراد صارف کی الٹرنیٹ پروفائل فوٹو دیکھ سکیں گے۔ اس طرح یہ فیچر صارفین کی پرائیویسی کو تحفظ فراہم کر سکے گا اور وہ اپنی تفصیلات پر زیادہ کنٹرول حاصل کر سکیں گے۔ ممکنہ طور پر الٹرنیٹ پروفائل میں صارف پروفائل فوٹو کے ساتھ ساتھ مختلف تفصیلات کا اضافہ بھی کر سکیں گے۔ فی الحال یہ فیچر بیٹا ورژن میں دیا گیا ہے تو ابھی یہ کہنا مشکل ہے کہ کب تک تمام صارفین کے لیے اسے متعارف کرایا جائے گا۔
