لاہور (کورٹ رپورٹر) سابق وزیر اعلی پنجاب کی عبوری ضمانت خارج, گرفتاری کی تلوار سر پر لٹکنے لگی-
تفصیلات کے مطابق لاہور کی اینٹی کرپشن عدالت نے پرویز الٰہی کے خلاف ترقیاتی منصوبوں میں مبینہ کرپشن کے کیس کی سماعت کی جس میں سابق وزیراعلیٰ کے وکیل نے عدالت کو بتایا کہ پرویز الٰہی کو سینے میں تکلیف ہے وہ عدالت میں پیش نہیں ہوسکتے۔
وکیل کے مؤقف پر پراسیکیوشن نے کہا کہ پرویز الٰہی نے گزشتہ پیشی پر میڈیکل سرٹیفکیٹ پیش کیا تھا جو جعلی ہے اس پر عدالت نے کہا کہ رپورٹس دکھائیں میں ابھی فیصلہ کرتا ہوں- عدالت میں میڈیکل سرٹیفکیٹ جمع کروانے کے باوجود عدالت نے پرویز الہی کی عبوری ضمانت خارج کر دی-
