ڈی سی لاہور موسی رضا گیلانی کی قبضہ مافیا کیلئے خطرے کی گھنٹی، ریڑھی بانوں کیلئے بڑی خوشخبری
ماڈل کارٹس کا مقصد سڑک کناروں پر سے تجاوزات کا خاتمہ ، مین شاہراہوں سے تجاوزات ختم ہوں گی تو ٹریفک روانی بہتر ہو گی : ڈی سی لاہور سید موسیٰ رضا گیلانی
لاہور(کھوج نیوز) ڈی سی لاہور سید موسیٰ رضا گیلانی وزیر اعلیٰ پنجاب مریم نواز شریف کی ہدایت پر کلین لاہور مشن اور مونسپل سروسز میں بہتری کے لئے فیلڈ میں متحرک، سخت ہدایات اور خطرے کی گھنٹی بجا دی۔
تفصیلات کے مطابق ڈی سی لاہور سید موسی رضا کے تحصیل راوی کے مختلف مقامات کے دورے’ شاہدرہ جی ٹی روڈ کے اطراف میں ماڈل کارٹس کا معائنہ بھی کیا۔ ذرائع نے بتایا ہے کہ ڈی سی لاہور نے کہا کہ جی روڈ سروس لین پر 69ماڈل کارٹس موجود ہیں اور سروس لین بند نہ ہو ، ریڑھیوں کو منظم انداز میں لگوایا جائے اور ذریعہ معاش میں بہتری کے لئے ریڑھی بانوں میں مفت ماڈل کارٹس تقسیم کی جائیں ۔ ان کا مزید کہنا تھا کہ ماڈل کارٹس کا مقصد سڑک کناروں پر سے تجاوزات کا خاتمہ ہے، مین شاہراہوں سے تجاوزات ختم ہوں گی تو ٹریفک روانی بہتر ہو گی اور تجاوزات و غیر قانونی قابضین سے جگہ کو واگزار کروایا جائے۔ ذرائع نے بتایا ہے کہ ڈی سی لاہور نے بیگم کوٹ، پھول منڈی اور اطراف میں صفائی اقدامات کا جائزہ کیا جبکہ ایل ڈبلیو ایم سی ورکرز علی الصبح فیلڈ میں متحرک نظر آئیںجن کو ڈی سی لاہور نے ہدایات کیں کہ گندگی کے ڈھیر دکھائی دینے پر فی الفور کلیئر کریں اور انتظامی افسران فیلڈ میں صفائی میکانزم کی صورتحال کو ازخود مانیٹر کریں۔ سید موسیٰ رضا گیلانی کا کہنا تھا کہ صفائی و سیوریج نظام میں مزید بہتری کے لئے ہر ممکن اقدامات اٹھائے جائیںگے اور صفائی معاملات میں ہرگز کوتاہی نہیں برتی جائے کیونکہ ہمارا مقصد شہریوں کو صاف ستھرا ماحول فراہم کرنا ہے نہ کہ تعفن زدہ اس حوالے سے تمام ادارے ملکر صفائی و سیوریج سسٹم کی بحالی کے لئے کام کریں۔
