بائیکر لین ،ڈی جی ایل ڈی اے کا بڑا ایکشن ،کمپنی کو شوکاز نوٹس جاری

لاہور(کھوج نیوز )گزشتہ روز لاہور میں بارش کی وجہ سے بائیکر لین کے کچھ حصوں سے رنگ اتر گیا تھا۔جس کے بعد ڈی جی ایل ڈی اے طاہر فاروق نے نوٹس لیتے ہوئے کنٹریکٹر کمپنی کو شوکاز نوٹس جاری کر دیا۔ بائیکر لین کے پائلٹ پراجیکٹ پر ٹیسٹ رن کے طور پر وزیبلٹی اور انڈیکیشن بہتر بنانے کے لیے اورنج اور گرین کلر کیا گیا تھا۔ترجمان ایل ڈی اے کے مطابق پائلٹ پراجیکٹ پر کنٹریکٹر کمپنی نے مقامی مینوفیکچرڈ پینٹ استعمال کیا اور ایک سال کی مینٹینس گارنٹی دی۔مقامی کمپنی ایک سال تک مفت پینٹ کی مرمت و بحالی اور بہتر کرنے کی پابند ہے۔اس کے علاوہ ترجمان ایل ڈی اے نے سوشل میڈیا پر پینٹ پر کروڑوں روپے لگنے کی خبروں کی تردید بھی کی ان کا کہنا تھا کہ بائیکر لین پراجیکٹ کو ٹیسٹ رن کے طور پر کم قیمت پر بنانے کے لیے مقامی کمپنی کا مینوفیکچرڈ پینٹ استعمال کیا گیا۔مقامی پینٹ کی ایک سال کی فری مرمت و بحالی کے ساتھ لاگت 153 روپے فی مربع فٹ جبکہ امپورٹڈ پینٹ کی لاگت1270 روپے فی مربع فٹ ہے۔ان کا کہنا تھا کہ اگر پائلٹ منصوبے پر امپورٹڈ پینٹ استعمال کیا جاتا تو لاگت میں 8 سے 10 گناہ اضافہ ہوتا۔

ترجمان ایل ڈی اے کا کہنا ہے کہ کنٹریکٹر نے بائیکر لین کے متاثرہ حصے پر پینٹ کا دوبارہ کام شروع کر دیا۔انھوں نے کہا کہ ڈی جی ایل ڈی اے نے پینٹ کا معیار جانچنے کے لیے ٹیکنیکل کمیٹی تشکیل دیدی۔ٹیکنیکل ٹیم پائلٹ پراجیکٹ کے پینٹ سمیت تمام پہلوؤں کا تفصیلی جائزہ لے رہی ہے۔ترجمان کا کہنا تھا کہ پائلٹ پراجیکٹ کے تمام پہلوؤں کا ٹیکنیکل مشاہدہ اور امپرومنٹ کی جا رہی ہے۔پینٹ کے معیار کی بائنڈنگ کوالٹی کو بہتر کرنے کے لیے ٹیکنیکل کمیٹی پینٹ بنانے والی کمپنی سے رابطے میں ہے۔

پائلٹ پراجیکٹ کی کنٹریکٹر کمپنی کو پینٹ کی مد میں تاحال کوئی بھی ادائیگی نہیں کی گئی۔ٹکنیکل کمیٹی کی رپورٹ اور پینٹ کا معیار جانچے بغیر کوئی بھی ادائیگی نہیں کی جائے گی۔