اسلام آباد(کھوج نیوز) عوام کے لئے بڑی خوشخبری آگئی ہے، آئل اینڈ گیس ریگولیٹری اتھارٹی (اوگرا) نے گھریلو سلنڈر کی قیمتوں میں حیران کن کمی کا اعلان کرتے ہوئے نوٹیفکیشن جاری کر دیا ہے۔
تفصیلات کے مطابق آئل اینڈ گیس ریگولیٹری اتھارٹی (اوگرا) کی جانب سے جاری کیے گئے نوٹیفکیشن میں بتایا گیا ہے کہ یکم نومبر سے فی کلو ایل پی جی 5 روپے 88 پیسے سستی کر دی گئی ہے۔ اس کمی کے بعد ایل پی جی کا 11.8کلو گرام کا گھریلو سلنڈر 69 روپے 44 پیسے سستا ہوگیا۔ نوٹیفکیشن کے مطابق ایل پی جی کے گھریلو سلنڈر کی نئی قیمت 2378 روپے 89 پیسے مقرر ہوگئی ہے۔ فی کلو ایل پی جی کی نئی قیمت 201روپے 60 پیسے ہوگئی ہے۔
