لاہور(کھوج نیوز) ہوشیار خبردار ………پنجاب حکومت نے ایک اور بڑا فیصلہ کرتے ہوئے کوڑا کرکٹ پھیلانے والوں کے لئے قانون کا شکنجہ تیار کرلیا ہے ، اور اب جرمانہ بھی کیے جانے کا اعلان کیا ہے۔
تفصیلات کے مطابق وزیراعلیٰ پنجاب مریم نواز کی زیر صدارت ستھرا پنجاب کے حوالے سے اجلاس ہوا جس دوران مریم نوازنے ویسٹ ٹو ویلیو پروجیکٹ کیلئے وسط جنوری تک کا جامع پلان طلب کرلیا۔وزیراعلیٰ نے کہا کہ صفائی کا اتنا بڑا نظام کسی معجزے سے کم نہیں، زیرو سے آغاز کیا اور وقت کے ساتھ ساتھ ستھرا پنجاب پروجیکٹ میں بہتری لارہے ہیں، شہروں اور دیہات کی صفائی کا جامع نظام برسوں پہلے بننا چاہیے تھا۔
ذرائع نے بتایا ہے کہ اجلاس میں فیصلہ کیا گیا کہ پنجاب میں کمرشل ایریازاورسڑک پر کوڑا کرکٹ پھیلانے والے قانون کے شکنجے میں ہوں گے جو بھی پنجاب میں گندگی پھیلائے گا جرمانے کی سزا پائے گا۔پنجاب میں صفائی والی گاڑیاں بھی اب ماحول دوست الیکٹرک وہیکلز ہوں گی جب کہ صوبے میں اب کوڑے کرکٹ سے بھی انرجی پیدا کی جائے گی۔
وزیراعلی پنجاب کو بریفنگ میں بتایا گیا کہ صوبے بھر میں ستھرا پنجاب پرعوام کی طرف سے اچھے کام کا مثبت فیڈ بیک آرہا ہے،گاڑیوں کی چیکنگ کیلئے وہیکل ٹریکنگ مینجمنٹ سسٹم اور لائیو کنٹینرمانیٹرنگ جاری ہے جب کہ شفافیت کیلئے ستھرا پنجاب میں تنخواہوں اور ادائیگی کا سسٹم ڈیجیٹلائز کر دیا گیا ہے۔
