برمنگھم (سپورٹس ڈیسک) انگلینڈ نے اپنی ہی سر زمین پر تاریخ رقم کر دی ، پاکستان کو تیسرے ٹیسٹ میں شکست دے کر انگلینڈ نے ہوم سیریز میں قومی ٹیم کو وائٹ واش کر دیا ہے۔
تفصیلات کے مطابق برمنگھم میں کھیلے گئے ٹیسٹ کے چوتھے روز انگلینڈ نے 130 رنز کا ہدف حاصل کرنے کیلئے اننگز کا آغاز کیا۔ پاکستان کے محمد عباس نے ابتدائی دو وکٹیں حاصل کرکے میچ کو دلچسپ بنادیا تھا تاہم جورڈن کوکس نے 59 اور کپتان جو روٹ نے 62 رنز کی ناقابل شکست اننگز کھیلی اور ٹیم کو فتح سے ہمکنار کیا۔ انگلینڈ نے 2 وکٹوں کے نقصان پر ہدف حاصل کرلیا اور یوں پاکستان کو 8 وکٹوں سے شکست ہوئی۔ اس فتح کے ساتھ ہی انگلینڈ نے پہلی بار ہوم سیریز میں پاکستان کو وائٹ واش کردیا۔
