کیا گوہر رشید اور کبری خان کی شادی ہوگئی ہے؟ حقیقت منظر عام پر آگئی ہے

کراچی (شوبزنیوز)پاکستان ٹی وی انڈسٹری کے اداکار گوہر رشید نے انسٹاگرام پر ایک ویڈیو پوسٹ کی ۔گوہر رشید نے ویڈیو کے کیپشن میں بسم اللہ 2025 لکھا، جس میں شازیہ وجاہت، وجاہت رف، شہزاد شیخ ان کی اہلیہ، کبری خان اور دیگر قریبی دوستوں کو ایک ساتھ کسی ایونٹ کی تیاری میں مصروف دیکھا جا سکتا ہے۔

یہ ویڈیو سامنے آنے کے بعد دعوی کیا جارہا ہے کہ گوہر اور کبری کی شادی کی تیاریاں کراچی میں جاری ہیں اور گزشتہ رات دونوں اداکاروں کے دوستوں نے ڈانس پریکٹس بھی کی۔تا ہم گوہر رشید اور کبری خان کی جانب سے اس بات کی تصدیق نہیں ہوئی۔

گوہر رشید اور کبری خان کی قریبی دوستی ہے،لیکن ان دونوں نے کبھی اس کا باقاعدہ اعلا ن نہیں کیا ۔چند ماہ قبل گوہر رشید نے ایک انٹرویو میں سنگل نہ ہونے کا اعتراف کرتے ہوئے کہا تھا کہ وہ کسی کے ساتھ تعلق میں ہیں اور اب ان کے بغیر اپنی زندگی کا تصور نہیں کر سکتے تاہم اداکار نے اس خاتون کا نام نہیں بتایا تھا۔