پاکستانی اداکار اسد صدیقی اور زارا انور عباس کے ہاں بیٹی کی پیدائش

لاہور(شوبز ڈیسک) پاکستانی شوبز انڈسٹری کی معروف اداکار جوڑی اسد صدیقی اور زارا نور عباس کے ہاں بیٹی کی پیدائش ہوئی ہے لیکن انہوں نے ابھی تک اپنی بیٹی کی کوئی بھی تصویر شیئر نہیں کی۔

تفصیلات کے مطابق پاکستانی اداکارہ زارا اور اداکار اسد نے سوشل میڈیا پر بیٹی کی پیدائش کی خبر سے اپنے مداحوں کو آگاہ کیا۔ جوڑے کی جانب سے بیان میں کہا گیا کہ”ہم اعلان کرتے ہیں کہ الحمداللہ ہم دنیا کی خوبصورت ترین بیٹی کے والدین بن گئے ہیں’۔ زارا اور اسد نے اپنی نومولود بیٹی کا نام نورِ جہاں صدیقی رکھا ہے۔انہوں نے مداحوں سے درخواست کی کہ وہ دعاں میں یاد رکھیں۔واضح رہے کہ زارا نور عباس اور اسد صدیقی کی شادی 2017 میں ہوئی تھی۔